Maraqlı
01.08.2026 | 00:14
Azərbaycanda yeni avtomobillərin bir sıra modellərinin qiyməti son 6 ay ərzində əhəmiyyətli dərəcədə dəyişib.
Son 6 ayda ən çox bahalaşan yeni avtomobil “Toyota Corolla” olub. Modelin qiyməti 32 900 manatdan 39 500 manata yüksəlib. Beləliklə, “Toyota Corolla” son 6 ayda 6 600 manat və ya 20,1 faiz bahalaşıb.
Qeyd edək ki, hesablama zamanı bütün bazarın median qiyməti deyil, hər iki tarixdə ən azı 5 elanla təmsil olunan modellər müqayisə edilib.
Nəticələrə görə, ikinci ən böyük artım “Toyota Corolla Cross” modelində qeydə alınıb. Bu avtomobilin qiyməti 38 000 manatdan 44 500 manata yüksəlib. Artım 6 500 manat və ya 17,1 faiz təşkil edib.
Üçüncü sırada “Toyota Highlander” qərarlaşıb. Modelin qiyməti 93 500 manatdan 108 000 manata yüksələrək 15,5 faiz artıb.
Qiyməti ən çox azalan model isə “Chevrolet Cobalt” olub. Onun qiyməti 20 000 manatdan 17 000 manata düşüb. Bu, 3 000 manat və ya 15 faiz ucuzlaşma deməkdir.
İkinci ən böyük ucuzlaşma “Nissan Qashqai” modelində qeydə alınıb. Qashqai-nin qiyməti 57 900 manatdan 50 150 manata düşüb. Nəticədə model 7 750 manat və ya 13,4 faiz ucuzlaşıb.
Üçüncü yerdə “Hyundai Elantra” qərarlaşıb. Modelin qiyməti 38 900 manatdan 35 000 manata enib və 10 faiz ucuzlaşıb.
2026-cı ilin iyul göstəricilərinə əsasən, təhlilə daxil edilən modellər arasında ən yüksək qiymət “Mercedes GLS 450 4MATIC” modelindədir. Onun qiyməti 236 020 manat təşkil edir.
Ən ucuz yeni avtomobil isə “Chevrolet Cobalt”dır. Onun qiyməti 17 000 manatdır.
Cədvəldə bundan sonra “BYD Qin Plus” (22 800 manat), “BYD Seal 05” (22 500 manat) və “LADA (VAZ) Niva” (23 500 manat) kimi modellər gəlir.
Təhlil göstərir ki, müqayisəyə daxil edilən 40 yeni avtomobil modelinin 22-də qiymət artımı, 18-də isə qiymət azalması qeydə alınıb.
Müxbir
Redaktor Azerbaijan
BİZİ İZLƏYİN
