Noyabrın 12-də axşam saatlarında başlayan səfər ayın 14-də yekunlaşıb.
Məşhur braziliyalı futbolçu Ronaldinyo Qauço (Ronaldinho) BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) iştirak etmək məqsədilə Azərbaycana səfərə gəlib.
Onu Azərbaycanın gənclər və idman nazirinin müavini Fərhad Hacıyev və digər rəsmi şəxslər qarşılayıblar.
Bakıda yeniyetmə futbolçularla görüşdü
Ronaldinyo Azərbaycan klublarının aşağı yaş qruplarından ibarət komandaları ilə görüşüb.
44 yaşlı əfsanə ilə görüşə “Qarabağ”, “Neftçi”, “Sabah” və “Zirə”nin aşağı yaş futbolçuları qatılıblar.
Prezidentin nəvəsi Ronaldinyo ilə
Prezident İlham Əliyevin nəvəsi Əli Ağalarov COP29-da braziliyalı məşhur futbolçu Ronaldinyo ilə bir araya gəlib.
Əli Ağalarov bu barədə öz instaqram hesabında paylaşım edib.
O, futbolçu ilə birgə çəkdirdikləri fotonu paylaşaraq “Bakıya xoş gəldiniz” sözlərini yazıb.
Azərbaycan mətbəxini bəyəndi
COP29 çərçivəsində Bakıda səfərdə olan əfsanəvi futbolçu Ronaldinyo Azərbaycan yeməklərinin dadına baxıb.
O, ölkəmizin mətbəxtini bəyəndiyini bildirib.
AFFA-nın prezidenti Rövşən Nəcəflə
Ronaldinyo SOCAR-ın və AFFA-nın prezidenti Rövşən Nəcəflə görüşüb.
Bu barədə əfsanəvi futbolçu özünün instaqram hesabında paylaşım edib.
Bakı Olimpiya Stadionunda
Futbolçu COP29-un keçirildiyi məkana gəlib. O, Braziliya, Azərbaycan və digər ölkələrin pavilyonları ilə tanış olub.
“Dəniz Mall”da xüsusi qayğıya ehtiyacı olan uşaqlarla görüşüb
Braziliya millisinin və “Barselona” klubunun sabiq futbolçusu Ronaldinyo Qauço Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin 1 saylı Uşaq evi və 1 saylı Əlilliyi müəyyən edilmiş şəxslər üçün sosial xidmət müəssisəsinin benefisiarları ilə görüşüb, onlara hədiyyələr təqdim edib və şəkil çəkdirib.
Liman.az