Psixologiya elmi riyaziyyat kimi dəqiq deyil. Mütəxəssislərin pasiyentə yanaşma tərzi müxtəlif ola bilər. Şou xarakter alanda isə məlum olur ki, həmin şəxsin (psixoloqun) dərin bilgiləri yoxdur. Psixoloji məsələlər şou formata çevrilməməlidir. Mütəxəssislər müxtəlif proqramlara dəvət olunub orada çıxış edə bilərlər. Psixologiyanın nə qədər gərəkli, lazımlı, dərin bir elm olduğunu göstərmək üçün o platformalarda iştirak etmək olar. Psixologiyanın səthi, absurd olduğunu göstərəcəyiksə, əlbəttə ki, bu yolverilməzdir.
Bu sözləri tanınmış psixoloq İlqar Kamil “Künc-bucaq” verilişində müsahibəsi zamanı bildirib.
“Təbii ki, elə proqramlar var ki, siz nə qədər dərib bilgiyə sahib olursunuz olun, auditoriya sizdən üzdə getməyi, səsli olmağı tələb edir deyə, maksimum oradan qaçmağa çalışırsan ki, elə layihələrdə iştirak etməyəsən”, – o deyib.
Psixoloq düşünür ki, onların dəst-xəttinə konkret bir yol, ümumi bir resept yoxdur.
“Bu, müraciət edən pasiyentin əhvali-ruhiyyəsindən, vəziyyətindən, yaşantılarından, hekayəsindən asılıdır. Yəni sənin reseptin bir pasiyent üçün şəfaverici, digəri üçün isə öldürücü ola bilər. Yəni müasir psixologiyada psixoloqun əlinin altında müxtəlif alətlər var. Pasiyentə uyğun olaraq bunlardan istifadə olunur. Məsələn, bəzi pasiyentləri çəkiclə, digərini isə kəlbətinlə müalicə etmək olar”, – İlqar Kamil söyləyib.
Daha ətraflı videoda:
© Liman.Az