Jake Paul vs. Mayk Tayson – Mayk Tayson və Cek Pol
Hələ aylar öncə boks üzrə keçmiş mütləq dünya çempionu amerikalı Mayk Tayson ilə həmyerlisi bloger və boksçu Cek Polun rinqə çıxacağı barədə anons verilirdi.
Bu döyüş barədə məlumat bütün dünyada marağa səbəb oldu.
Döyüşün yay aylarında keçirilməsi nəzərdə tutulsa da, Mayk Taysonun səhhətində yaranan problem qarşılaşmanın təxirə salınmasına səbəb olmuşdu.
“Qan qusdum”
“Bir gün özümü pis hiss etdim və hamama getdim. Bunun necə baş verdiyini xatırlamıram, amma qan qusdum. Hamamın döşəməsinə düşdüm və qalxa bilmədim. Məndə mədə xorası var idi.
Həkimlərlə söhbətimi xatırlayıram. Onlardan soruşdum: “Mən öləcəyəm?” Mənə dedilər ki, başqa variantlar var. Sonra daha çox narahat olmağa başladım”, – deyə Mayk xatırlayır.
Mayk Tayson üzləşmədə Ceyk Polu şapalaqladı
Ağır çəki kateqoriyasında çıxış edən 58 yaşlı amerikalı peşəkar boksçu Mayk Tayson boks döyüşündən əvvəl üzləşmə mərasimində 27 yaşlı videobloger Ceyk Pola şapalaq vurub.
Sosial şəbəkələrdə bəzi istifadəçilər Mayk Taysonun Polun ayağına basdığına görə yox, özünü meymun kimi göstərərək yanına gəlib irqçi hücuma keçdiyi üçün onu şillələdiyini şərh ediblər.
Tayson onun bu hərəkətini hörmətsizlik və təhdid kimi dəyərləndirərək vurduğunu bildirib.
“Qoy bu sizə və indi sizinlə olan hər kəsə dərs olsun. İstedadsız YouTubersən. Daha çox istəyirsənsə, çıxdığın çuxura qayıtma”, – Tayson bildirib.
Jak Pol isə deyib ki, onu matçda parçalayacaq. “O ölməlidir” – deyib.
Netflix bütün dünyada çökdü
Cek Pol və 58 yaşlı əfsanəvi boksçu Mayk Tayson arasında baş tutacaq möhtəşəm boks görüşü bokssevərlər tərəfindən böyük həyəcanla gözlənilirdi. Bu yarış Netflix-də canlı yayımlananacaqdı. Lakin bokssevərlərin tarixi anı izləməsinə az qalmış Netflix ciddi probemlə üzləşib.
Downdetector platformasının məlumatlarına görə, saat 4:20-dən başlayaraq Netflix istifadəçilərinin şikayətlərində ciddi artım müşahidə olunub. Platformaya daxil olmaqda çətinlik çəkdiklərini bildirən istifadəçilər, xüsusən də son matçda əlaqə problemi ilə qarşılaşdıqlarını bildiriblər. Saat 5:20-dən etibarən şikayətlər azalmağa başlasa da, saat 5:50-dən etibarən 100 mindən çox insan Netflix-ə daxil ola bilmədiyini bildirib. Bu səbəbdən də insanlar yarışı izləyə bilməyiblər.
Mayk Tayson Cek Pol yarışı başa çatdı
Dünyanın səbirsizliklə və həyəcanla izlədiyi Mayk Tayson və YouTuber Cek Pol arasında keçirilən tarixi boks yarışı başa çatıb.
58 yaşlı əfsanəvi boksçu Mayk Tayson tarixi boks matçının keçiriləcəyi Texas ştatının Arlinqton şəhərindəki 80 min tamaşaçı tutumlu ATT Stadionuna üzərində “Iron Mike (Demir Mike)” yazılmış gödəkçə ilə daxil olmasının paylaşımını edib və bu da qısa zamanda dünya mediasında ciddi reaksiyaya səbəb olub.
Yarış başlayan zaman Pol rinqə avtomobillə çıxıb. Ondan fərqli olaraq Tayson rinqə sadə bir giriş edib.
Boks tarixinin əfsanəsi Mayk Tayson 58 yaşına baxmayaraq 8 raund boyunca axıra kimi mübarizə apardı.
O, hakimin qərarı ilə Ceyk Pola xal hesabı ilə məğlub oldu (78-74).
Fantastik bilet qiymətləri
Ceyk Paul və Mayk Taysonun çıxacağı matçın VİP yerin bilet qiyməti 2 milyon dollara satışa çıxıb.
VİP yerin sahibləri boksçularla tanış olma şansına sahib olublar. 80 minlik arenada kənar yerlərin qiyməti 10-50 min dollar aralığında idi.
Liman.az